Казанда узачак VIII мөселман кино фестивале турында иң яхшы мәгълүмати материалга конкурс игълан ителә

Беренче буларак мөселман кинофестивале кысаларында төбәк массакүләм мәгълүмат чаралары арасында конкурс узачак. Фестиваль эшчәнлеге турында гражданнарга күбрәк мәгълүмат бирү – конкурсның төп максаты шул.
Фестиваль гомум рухи-әхлакый кыйммәтләрне, мәдәни традицияләрне пропагандалауны, чит диннәргә ихтирамлы мөнәсәбәт һәм кешегә мәхәббәт тәрбияләүне, кешеләрнең нинди дин тотуына карамастан, иҗат өлкәсендә тәҗрибә алмашуын күздә тота.
Конкурска массакүләм мәгълүмат чараларының төрле носительләрдәге материаллары, басма һәм интернет материаллары, фото, видео һәм радиотапшырылур кабул ителә. Барлык материаллар республика һәм шәһәр массакүләм мәгълүмат чараларында 1 августтан 11 сентябрьгә кадәр вакыт аралыгында басылып чыккан булырга тиеш.
Конкурс биш номинациядә уздырыла.
Заявкалар һәм материаллар info@kazan-mfmk.com электрон адресына башлангыч басмага сылтама рәвешендә, шулай ук теләсә нинди уңайлы носительдә фестивальнең матбугат хезмәте аша бирелә. Теркәп бирелгән хатта – заявкада (ирекле форма) автор турында мәгълүмат, телефоннар, адреслар, басма (газета, интернет-портал, теле һәм радио ресурс) турында мәгълүмат, басылып чыгу датасы күрсәтелергә тиеш.
Мәгълүмат: Логинова Анастасия 8 927 410 48 88, Нигъмәтҗанова Лилия 8 927 406 16 92 (e-mail: press@kazan-mfmk.com).