“Бие, Казан” фестиваленең оештыру комитеты гаризалар кабул итә башлады
1 - 3 март көннәрендә Казанда «Бие, Казан!» Халыкара бию фестиваль-конкурсы узачак.
1 марттан 3 мартка кадәр Казанда «Бие, Казан!» Халыкара бию фестиваль-конкурсы узачак.
Анда катнашу өчен 5 яшьтән өлкәнрәк балалар һәм яшүсмерләр чакырыла.
Иҗади ярыш берничә номинация буенча узачак:
• «Заманча ,бию»;
• «Урам биюе»;
• «Эстрада биюе»;
• «Классик бию»;
• «Халык биюе»;
• «Стильләштерелгән халык биюе»;
• «Оригиналь жанр».
Конкурсның жюри составына илнең танылган хореографлары һәм педагоглары кергән:
1. Сергей Горбатов - Санкт-Петербург Профсоюзлар гуманитар университетының хореография сәнгате кафедрасы доценты, Санкт-Петербургның «Мюзик Холл» дәүләт театрының баш балетмейстеры, Мариин театрының, Михайловский дәүләт академия опера һәм балет театрының экс-артисты.
2. Лилия Сорокина - Татарстан Республикасының халык артисты, Бөтенроссия халыкара конкурслар лауреаты, Казан дәүләт мәдәният һәм сәнгать институты укытучысы.
3. Дмитрий Масленников - «Танцы на ТНТ» проекты финалисты, Антон Павлович Чеховның «Чайка»сы мотивлары буенча эшләнгән мюзиклны куючы.
Оештыручылар тарафыннан белем бирү программасы да каралган: дәрәҗәле кунаклардан биюнең төрле юнәлешләре буенча мастер-класслар әзерләгән.
Фестиваль-конкурс программасы:
1 һәм 2 март «Юность» мәдәният сараенда (Казан, Химиклар ур., 11) - «дебютантлар өчен» һәм «дәвам итүче коллективлар өчен» конкурс көннәре.
3 март - катнашучылар һәм педагоглар өчен мастер-класслар. Шул ук көнне «Пирамида» мәдәни-күңел ачу комплексында Гала-концерт һәм катнашучыларны бүләкләү булачак.
Җиңүче 20000 сумлык ГРАН-ПРИ алачак!
Конкурста катнашу өчен гаризаларны электрон почта буенча җибәрергә кирәк.: zayavka@horeograph-online.ru, 8-927-47-8-82