Музей-тыюлык кунаклары өчен “Тарих белән кышкы очрашулар” исемле театральләштерелгән тамаша оештыра

2019 елның 1 гыйнвары, сишәмбе

2019 елның 3, 4, 5, 6 гыйнварында Болгар музей-тыюлыгы территориясендә “Тарих белән кышкы очрашулар” исемле  театральләштерелгән тамаша булачак.

Музей-тыюлыкның бәйрәм мәйданчыгында барлык кунакларны Хан һәм Ханбикә каршы алачак, алар килүчеләр өчен  бәйрәм атмосферасын булдыра, Петр I һәм Екатерина II Яңа елны бәйрәм итү традицияләре турында сөйләячәк, ә күңелле скоморохлар чанада  шуарга һәм милли уеннарны өйрәтәчәк. Кыш Бабай һәм Кар кызы Яңа ел белән котлап, конкурслар оештырачак.