Татарстан Халыклар дуслыгы йортында “Татар халкының этнографик мозаикасы” фотоконкурсында җиңүчеләрне бүләкләү узачак

2018 елның 21 декабрендә 16.00 сәгатьтә Татарстан Халыклар дуслыгы йортында “Татар халкының этнографик мозаикасы” фотоконкурсында җиңүчеләрне бүләкләү һәм конкурс нәтиҗәләре буенча фотокүргәзмә ачылу була.

Конкурс 2014-2019 елларга исәпләнгән “Татар халкының милли үзенчәлеген саклау” дәүләт программасы кысаларында 3 номинация буенча үткәрелә:

- “Халык-гамәли сәнгате. Гореф-гадәтләр һәм йолалар”;

- “Фотография-документ”;

- “Портрет”

Быел конкурска Россиянең 16 төбәгеннән (Мәскәү, Санкт-Петербург, Башкортстан, Татарстан һәм Кырым, Ульяновск, Самара, Свердловск, Томск, Төмән, Омск, Чиләбе, Иркутск, Оренбург, Ростов, Ленинград өлкәләре) 66 конкурсанттан 326 эш тәкъдим ителгән иде.