С.Сәйдәшев исемендәге Дәүләт Зур концерт залында IV Раштуа фестивале ачыла
23 декабрь көнне 18.00 сәгатьтә С. Сәйдәшев исемендәге Дәүләт Зур концерт залында IV Раштуа фестивале ачыла. Казанның “Фантазия” джаз-оркестры тамашачылар игътибарына “ Рождественский вояж” программасын тәкъдим итәчәк. Концертта И. Штраус, И. Дунаевский, Л.Денц, Э.Уэббер, Мийо, Г.Гудвин, Э.Артемьев һ.б. танылган эстрада, джаз һәм классика әсәрләре яңгыраячак.
Казанның “Фантазия” джаз-оркестрына 1977 елда нигез салынган һәм ул зур иҗади юл үткән: фестивальләр, конкурслар, концертлар һәм гастрольләр, күләмле шәһәр һәм республика чараларында катнашу. 40 ел эчендә оркестр бай репертуар туплаган. Коллектив концертлары һәрвакыт уңышлы уза.
Фестивальгә аккредитацияне zhanna2801@yandex.ru электрон почтасы яки 89274128275 (Жанна Мельникова) телефоны буенча үтәргә мөмкин.