Актерлар йортында Г.Тукай исемендәге II Бөтенроссия сәнгатьле уку конкурсының йомгаклау турлары була.

Конкурс 16 – 21 апрельдә уза. Темасы: «Теле барның иле бар».
Конкурста катнашучылар жюри игътибарына татар шагыйрьләре әсәрләрен рус яисә татар телләрендә укып күрсәтәчәк.
Конкурсның жюри рәисе – Г. Камал исемендәге ТДАТ баш режиссеры Фәрит Бикчәнтәев.
Конкурс 3 этапта уза. Беренче этап, сайлап алу турлары, 1 марттан 1 апрельгә кадәр Татарстан Республикасы һәм Россия төбәкләре мәктәпләрендә һәм һөнәр уку йортларында узды. Конкурс финалына 258 катнашучы узды. Алар арасында: Мәскәү, Казан, Марий Эл, Удмуртия, Ульяновск, Түбән Новгород, Саратов өлкәләре, Татарстан Республикасы районнарыннан килгән балалар һәм һөнәр уку йортлары студентлары бар. Конкурсның йомгаклау турлары 16–18 апрельдә М.Сәлимҗанов исемендәге Актерлар йортында узачак.
Конкурс 21 апрельдә гала-концерт белән тәмамлана, анда конкурста җиңүчеләр белән бер сәхнәдә күренекле артистлар чыгыш ясаячак.