Разил Вәлиевка “Татарстан Республикасының Халык шагыйре” дигән исем бирелде

9 апрельдә 18.30 сәгатьтә Г.Камал исемендәге Татар дәүләт академия театрында шагыйрь, дөнья халыклары телләрендә чыгарылган 50 китап авторы, Россия Федерациясенең һәм Татарстан Республикасының Атказанган мәдәният хезмәткәре, Г.Тукай исемендәге Дәүләт бүләге лауреаты Вәлиев Разил Исмәгыйль улына “Татарстан Республикасының Халык шагыйре” дигән мактаулы исем бирелү уңаеннан иҗат кичәсе булачак.
Кичәдә катнашалар: Венера Ганиева, Зилә Сөнгатуллина, Асаф Вәлиев, Раяз Фәсихов, Резеда Шәрәфиева, Алсу Әбелханова, Асылъяр, Рамил Миндияр, Рөстәм Закиров, Артур Исламов, Альбина Шаһиморатова, Илһам Шакиров, Рафаэль Сәхәбиев, Марат Шәрипов; театр артистлары Илдус Әхмәтҗанов, Алсу Гайнуллина, Фәнис Җиһаншин, Ләйсән Рәхимова, Ришат Әхмәдуллин, «Казан нуры» оркестры, Татарстан Республикасы Дәүләт җыр һәм бию ансамбле, "Казан" бию ансамбленең хореография мәктәп-студиясе, шагыйрьләр, язучылар, Татарстан Республикасының күренекле мәдәният һәм сәнгать әһелләре.
Театр фойесында Разил Вәлиев китаплары һәм дисклары күргәзмәсе, алар белән сәүдә итү оештырыла.