“Татар халкының этнография төрлелеге” фотоконкурсында катнашу өчен заявкалар кабул ителә

Татарстан Республикасы мәдәният министрлыгы “Татар халкының этнография төрлелеге” фотоконкурсында катнашу өчен заявкалар кабул итә. 

Гаризалар 2018 елның 31 октябренә кадәр түбәндәге номинацияләр буенча кабул ителә:

- “Халык-гамәли сәнгате. Гореф-гадәтләр һәм йолалар”;

- “Портрет”;

- “Фотография-документ. Оныкларга юллама” (татар халкының яшәү урыннарындагы этник үзенчәлекләре, аларның көнкүреше, көндәлек тормышы турында документаль фотофонд формалаштыруга юнәлдерелгән номинация).

Фотоконкурс Татарстан Республикасы Министрлар Кабинетының “Татар халкының милли үзенчәлеген саклау (2014-2019 елларга)” карары белән расланган  дәүләт программасын гамәлгә ашыру кысаларында үткәрелә.

Гомуми приз фонды - 405 000 сум.