Бөтенроссия фестивале – “Бәллүр йолдызчыклар” конкурсы старт алды

Федераль суд приставлары хезмәтенең Татарстан Республикасы буенча идарәсе Бөтенроссия фестивале – “Бәллүр йолдызчыклар” конкурсының төбәк этабын уздыру турында игълан итте.
Конкурсның төп максаты – гаилә абруен һәм гаилә кыйммәтләрен ныгыту, яшь буында ватанпәрвәрлек һәм гражданлык җаваплылыгы хисләрен тәрбияләү.
Конкурста катнашучылар яшьләре ягыннан ике төркемгә бүленә :
- I төркем - 7 яшьтән 12 яшькәчә;
- II төркем - 13 яшьтән 17 яшькәчә.
Конкурс өч номинация буенча уздырыла: вокал (халык, классик, эстрада башкаруы); хореография (халык, классик, бал биюләре, заманча бию); башкару осталыгы (музыка уен коралларында уйнау).
Чыгыш 4 минуттан да артыкка сузылмаска тиеш.
Конкурсның оештыручысы – Федераль суд приставлары хезмәте.