«Казан ярминкәсе» күргәзмә үзәгендә махсуслаштырылган «Арт-галерея. Казан-2012» күргәзмәсе ачыла
2012 елның 15 феврале, чәршәмбе
Экспозициядә сынлы сәнгать, декоратив-гамәли сәнгать үрнәкләре, графика, скульптура, фотосурәтләр куелган. Татарстан Республикасы Милли музее үз фондларындагы уникаль экспонатлары белән ел саен бу күргәзмәдә катнаша.
Быел музей Россиядә, Англиядә, Германиядә, Казанда эшләнгән төрле гармуннардан торган зур коллекция тәкъдим итәчәк.
Самавыр һәм татар читеге рәвешендә эшләнгән гармуннарны музейга гармун остасы Габделхәй Җәләлетдинов тапшырган. Гадәти булмаган формалы гармуннар осталар тарафыннан күргәзмәләргә кую өчен һәм концертлар вакытында күрсәтер өчен эшләнә. “Ташбака” сериясеннән булган гармуннарда гадәттә бер үк көй башкарыла. “Ташбака-гармуннар” дип аларны кечкенә үлчәмнәре һәм тышкы охшашлыклары өчен атаганнар.
Музей фондларында атаклы гармунчы Фәйзулла Туишевның ташбака-гармуннары саклана. Бу коллекция 24 гармуннан тора. Россиянең төрле төбәкләреннән җыелган, төрле осталар тарафыннан эшләнгән гармуннарына Ф. Туишев хатын-кыз исемнәре бирә торган була – “Асия”, “Гөлҗамал”, “Мәликә”, “Бәдерниса”, “Мәрьям”, “Фәхерниса” һ.б..
Өстәмә мәгълүмат: www.tatar.museum.ru
Татарстан Республикасы Мәдәният министрлыгының Матбугат хезмәте
Бүлешү:
СОҢГЫ ЯҢАЛЫКЛАР
27
март, 2026 ел
Бөтендөнья театр көнендә Габдулла Тукай исемендәге Әтнә татар дәүләт драма театры сәхнәсендә Ел саен үткәрелә торган театр конкурсында һәм Татарстан Республикасы Мәдәният министрлыгының «Тантана» премиясе җиңүчеләрен игълан иттеләр.
Татарстан Республикасы мәдәният министрлыгы, Татарстан Республикасы Театр эшлеклеләре берлеге, Г.Камал исемендәге Татар дәүләт Академия театры драматургия өлкәсендә чираттагы «Яңа татар пьесасы-2026» премиясенә конкурс игълан итәләр.
Үзенең 131 нче туган көнендә, 5 апрельдә, Татарстан Республикасы Милли музее «Сирәклекләр кабинеты: Борынгы Мисыр һәм антика коллекцияләре» дигән яңа күргәзмә ача. Күргәзмә музейның Мисыр һәм антика коллекцияләрен беренче тапкыр тулы күләмдә тәкъдим итәчәк – безнең эрага кадәр IV меңьеллыктан башлап, безнең эраның III–IV гасырларындагы Рим Мисрындагы ут савытына кадәр.
Хөрмәтле хезмәттәшләр, театр сәнгате әһелләре, кадерле сәхнә ветераннары, тугры тамашачыларыбыз!
Ихлас йөрәктән сезне Халыкара театр көне белән тәбрик итәм! Быел театр җәмәгатьчелеге берничә күренекле вакыйганы билгеләп үтә: татар профессиональ театрының 120 еллыгы, Большой театрның 250 еллыгы, Александринский театрның 270 еллыгы, Россия Федерациясе Театр әһелләре берлегенең 150 еллыгы. Бу вакыйгалар – чор тарихы гына түгел, меңләгән кеше язмышы: актерлар, режиссерлар, рәссамнар, ут куючылар, костюмерлар, грим ясаучылар, музыкантлар, билет тикшерүчеләр, гардероб эшчеләре һ.б. Бу кешеләр – тере театр дип аталган могҗиза тудыручылар.
Бүген республикабызда 30га якын профессиональ театр, йөзләгән халык һәм балалар театр коллективлары эшләп килә. Без яңа театрлар төзибез, тарихи биналарны төзекләндерәбез, яшь белгечләргә һәм сәхнә ветераннарына ярдәм итәбез. Шулай да, театрның төп байлыгы ул – кешеләр. Тамашаны карарга килүчеләр, сәхнәдә балкучылар һәм сәхнә артында калучылар.
120 элек татар поэзиясенең кояшы Габдулла Тукай «Театр» шигырендә безнең өчен кадерле васыять әйтеп калдырган:
Халыкка дәрсе гыйбрәттер театр,
Күңелдә йоклаган дәртне уятыр.
Театр — яктылыкка, нурга илтә,
Кире юлга җибәрми, уңга илтә.
Кадерле коллегалар! Бу юлдан тугры атлавыгыз өчен: халык йөрәген уятып, яктылыкка, хакыйкатькә юл ачып, халыкка ышаныч бирүегез өчен рәхмәт сезгә!
Бәйрәм белән!
Хөрмәт белән, Татарстан Республикасы мәдәният министры Ирада Әюпова
ЯҢАЛЫКЛАРГА ЯЗЫЛУ
Адрес: 420015, Казан шәһәре, Пушкин урамы, 66/33
Телефон:
+7 (843) 264-74-01, 264-74-02
Факс: +7 (843) 292-07-26
E-Mail: mkrt@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз