М.Җәлил исемендәге Татар академик дәүләт театрының балет труппасы Франциягә сәфәр кыла
Бүген Франциядә П.И.Чайковскийның «Лебединое озеро» спектакле белән М.Җәлил исемендәге Татар академик дәүләт театрының гастрольләре ачыла. Казан артистлары анда П.И.Чайковскиның «Лебединое озеро» һәм «Щелкунчик» , С.Прокофьевның «Ромео и Джульетта» һәм Ц.Пуни, Р.Дригоның «Эсмеральда» балетларын күрсәтәчәк.
Беренче спектакль Лион шәһәрендә узачак. Труппа шулай ук Сен-Жермен-ан-Ле, Тулон, Роттердам, Золинген, Гаага, Амстердам һәм Европаның башка шәһәрләрендә дә чыгыш ясаячак. Гастрольләр вакытында артистлар Европаның алты иле – Франция, Германия, Австрия, Нидерланд, Бельгия, Даниядә 60тан артык спектакль күрсәтәчәк.
Труппа Казанга 2018 елның 5 февралендә әйләнеп кайтырга җыена. Гастрольләрдә театрның балет труппасынң тулы составы, театр оркестрының бер өлеше, техник һәм административ төркеме катнаша.
Спектакльләрдә төп партияләрне Казан балетыныд әйдәп баручы солистлары — Кристина Андреева, Аманда Гомес, Михаил Тимаев, Ильнур Гайфуллин, Таис Диоженес, Вагнер Карвальё һәм башкалар башкара.