Татарстан Мәдәният министрлыгы "Татар халкының этнографик мозаикасы" фотобәйгесендә катнашырга чакыра

2017 елның 27 сентябре, чәршәмбе
Татарстан Республикасы Мәдәният министрлыгы 2017 елда "Татар халкының этнографик мозаикасы" фотобәйгесен игълан итте. Әлеге бәйге ел саен Татарстан Республикасы Министрлар Кабинетының 2013 елның 21 октябрендә кабул ителгән 785нче номерлы карары белән расланган “Татар халкының милли үзенчәлеген саклап калу (2014-2018 еллар)” дәүләт программасын тормышка ашыру кысаларында үткәрелә.

Конкурска эшләр 2017 елның 25 сентябреннән 10 ноябрьгә кадәр түбәндәге номинацияләр буенча кабул ителә:

  • “Халык гамәли сәнгате”,
  • “Традицияләр һәм йолалар”,
  • “Портрет”.

Фотоконкурста Россия Федерациясе территориясендә яши торган 18 яшькә җиткән гражданнар катнаша ала.

Конкурсның һәр номинациясендә беренче урын яулаучыга 65 000, икенче урын өчен 45 000, ә өченче урынга 25 000 сум күләмендә акчалата премия тапшырыла.

Бәйге турында тулырак мәгълүматны http://mincult.tatarstan.ru/rus/fotokonkurs-etnograficheskaya-mozaika-tatarskogo.htm сылтамасы буенча белергә була.

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International