ЯҢАЛЫКЛАР

Гаризалар К. Маркс урамы, 64, каб. 21 (эш көннәрендә сәг.14.00 -16.00 кадәр) кабул ителә.
Элемтә өчен тел.: 89274293572. Гаризаларның электрон вариантын (ворд форматында) түбәндәге почтага: theurmancheprize@mail.ru җибәрергә мөмкин.
Оригиналларны Шейнкман урамы, 12, 3 нче подъезд  (Казан Кремле, Хәзинә музей комплексы) адресы буенча алып килергә һәм кабул итү-тапшыру актын (эш көннәрендә сәг.10.00 - 12.00 кадәр һәм сәг.14.00 - 16.00 сәгатькә кадәр) рәсмиләштерергә кирәк. Белешмәләр өчен тел.: 89274281960.

7-8 апрельдә  К.Тинчурин исемендәге театрда режиссер Илгиз Зәйниевның «Мәдинә» спектакленең премьерасы булачак.
Беренче карашка «Мәдинә» спектакле сюжеты нигезендә гадәти драма тарихы ята кебек тоела: Җәүдәт белән Мәдинә бер-берсен яраталар, әмма Җәүдәт, бай гаиләдә үскән кызга өйләнә. Әмма Җәүдәтнең туеннан соң да гашыйклар очрашуларын дәвам итәләр. Классик мелодрамада мәхәббәт өчпочмагы...
Автор һәм режиссер - Илгиз Зәйниев
Композитор - Эльмир Низамов
Рәссам - Геннадий Скоморохов
Рольләрдә: Резеда Сәлахова, Артем Пискунов, Салават Хәбибуллин, Гөлназ Нәүмәтова, Альбина Гашыйгуллина, Ирек Хафизов.
 

PROкызыксыну фестивале 1 марттан 15 апрельгә кадәр Round кушымтасы мәйданчыгында узачак. 
Чарага 10 яшьтән 21 яшькә кадәрге яшүсмерләр һәм яшьләр чакырыла. 
Фестивальне Татарстан Республикасы Хөкүмәте һәм яңа кадрлар җәлеп итү белән кызыксынган Татарстанның 14 эре компаниясе хуплады. 
Алар арасында ТрансТехСервис, Нәфис Косметикс һәм Татхимфармпрепаратлар кебек генераль партнерлар бар. Пилот проекты Яшел Үзән районында уңышлы сыналды һәм гамәлгә ашырылды.
Фестиваль кысаларында март аенда офлайн-мастер-класслар һәм интеллектуаль уеннар узачак. Фестивальнең төп өлеше тулысынча онлайн форматта узачак, анда компьютердан яки Android программалы смартфоннан катнашырга мөмкин булачак. 
PROкызыксыну фестивалендә иҗади, технологик һәм табигый-фәнни конкурслар да узачак. Фестивальдә җиңүчеләрне компания-партнерларның экспертлары билгеләячәк. 
Шулай ук уку йортлары өчен махсус номинация дә бар. Нәтиҗәләрне «Мәгариф. Карьера 2022 " күргәзмәсендә игълан итәчәкләр. 
Фестивальдә катнашучы компанияләр: Ак Барс Банк, КАМАЗ, KAMA TYRES, ICL, Татнефть, «Алабуга» МИЗ, Казан машина төзелеше заводы, Яшел Үзән проект-конструкторлык бюросы, А.М.Горький исемендәге Яшел Үзән заводы, KazanExpress, Pozis.
Фестиваль турында тулырак:  https://newround.ru/pro сайтында белергә мөмкин.

10 марттан «Мир» кинотеатрында Татарстан Республикасының халык язучысы Мөхәммәт Мәһдиевның «Без – 41 нче ел балалары» повесте буенча төшерелгән яңа нәфис фильм күрсәтеләчәк.

2022 елның 11 мартында 14:00 сәгатьтә Ислам мәдәнияте музеенда «Чулпан Шәрифуллина һәм Әлфия Исхакованың шамаилләре» дигән күргәзмә ачыла. Күргәзмә гадәти шамаил сәнгате белән шөгыльләнүче ике останың иҗаты белән таныштыра.

Яр Чаллыда «Созвездие-Йолдызлык» эстрада сәнгатенең ел саен уздырыла торган ачык республика телевизион яшьләр фестиваленең зона этабы гала-концерт белән тәмамланды. Икенче сайлап алу турында Яр Чаллы, шулай ук Тукай һәм Алабуга муниципаль районнарыннан өч меңнән артык яшь талант чыгыш ясады.
Жюри 310 тәкъдим ителгән иҗади номердан иң яхшыларын сайлап алды. Беренче, икенче һәм өченче урыннарны алучылар фестивальнең суперфиналына юллама алдылар. 
Исегезгә төшерәбез, сайлап алу турлары шулай ук Казан (7 февраль - 17 март), Түбән Кама (6-7 март), Әгерҗе (9-10 март), Чистай (13-14 март), Арча (17-19 март), Лаеш (22-23 март), Иске Чүпрәле (26-27 март) һәм Яшел Үзәндә (29-30 март) уза. Барлыгы Татарстанның 45 муниципаль берәмлеге вәкилләре катнаша.
9 апрельдән 13 апрельгә кадәр сайлап алу турлары финалистлары "УНИКС" залында һәм "Созвездие-Йолдызлык" Арт-резиденциясендә суперфиналда очрашачак, алар фестивальнең Гала-концертында чыгыш ясау мөмкинлеге өчен көрәшәчәкләр. Гала-концерт 22 апрель "Пирамида" мәдәни-күңел ачу комплексында узачак.

Казан яшь тамашачылар театрының яшүсмерләр "Театралка" студиясе “Упкын өстендәге балалар” (Дети над пропастью) спектакле “Кече сәхнә” балалар-яшүсмерләр һәвәскәр театрларының II Бөтенроссия фестиваленә сайлап алынды. 
Фестиваль Төмәндә 2022 елның 24 - 27 мартында "Космос" театр үзәге һәм "РяДом" театр үзәге мәйданчыкларында узачак. 
Чарада 12 - 18 яшьлек затлар катнаша. Оештыручылар: "УЮТ" яшьләр театры һәм "ТеМа" театр остаханәсе. Фестиваль Төмән өлкәсенең социаль үсеш Департаменты ярдәме белән уздырыла.

«Театралка» яшүсмерләр студиясе 2018 елда Казан яшь тамашачылар театры базасында Татарстан Республикасы мәдәният министрлыгы ярдәме һәм «РИТЭК» АҖнең социаль проектлар конкурсында җиңү нәтиҗәсендә ачылды. 
 

Мәскәүдә 10 март көнне татар халкы традицияләренә багышланган күргәзмә ачыла.
Экспозициядә Россия һәм башка илләрдән заманча рәссамнарның йөздән артык хезмәте күрсәтеләчәк. Күргәзмәдә катнашучылар 118 төрле милли предметтан торган зур этнографик коллекцияне күрә алачак: татар хатын-кызлары костюмнары, көнкүреш әйберләр, савыт-саба, җиһаз, музыка кораллары һәм ювелир бизәнү әйберләре.
Экспонатларның төп өлешен Алабуга дәүләт музей-тыюлыгыннан уникаль предметлар, Түбән Кама шәһәре комплекслы музееннан халык рәссамы Әхсән Фәтхетдиновның картиналары һәм Казан халык сәнгать һөнәрләре техникумы музееннан ювелир бизәнү әйберләре тәшкил итә.
Күргәзмә 10 апрельгә кадәр Мәскәүдә түбәндәге адрес буенча узачак: Тверская урамы, 21, Россиянең дәүләт үзәк хәзерге заман тарих музеенда узачак. Керү ирекле.
 

2022 елның 13 мартында Татарстан Республикасы филармоник джаз-оркестры Мәскәү Халыкара музыка Йортында «Триумф джаза» XXII Халыкара фестивальдә чыгыш ясаячак.  
Фестивальгә танылган саксофончы Игорь Бутман нигез салган. Быел ул 11 марттан 19 мартка кадәр 22 нче тапкыр уза һәм Россия джазының 100 еллыгына багышлана.
Мәскәүдә дирижер Сергей Васильев җитәкчелегендәге ТР филармоник джаз-оркестры «Триумф джаза» фестивалендә беренче тапкыр чыгыш ясаячак. Бу вакыйгага Казан музыкантларын Россиянең халык артисты Игорь Бутман чакырды, аның белән коллективны күптәнге дустанә мөнәсәбәтләр һәм күпьеллык иҗади хезмәттәшлек бәйли.
Татарстан Республикасы филармоник джаз-оркестры - Россиянең әйдәп баручы профессионал джаз коллективларының берсе.
 

НТВ "Син супер!" халыкара балалар вокаль конкурсының яңа алтынчы сезоны кастингын игълан итә. Анкета һәм гаризаны НТВ сайтында тутырырга мөмкин.

Проектта вокал сәләтләре булган ата-ана тәрбиясеннән мәхрүм калган һәм балалар йортларында тәрбияләнүче талантлы яшүсмерләр, тәрбиягә алган һәм опекун гаиләләрендә яшәүче балалар, шулай ук интернат мәктәпләрдә яшәүче балалар катнаша ала. Катнашучыларның яше 7 яшьтән 18 яшькә кадәр булырга тиеш. 

Проектта катнашучылар читтән торып сайланачак.
 Алдагы конкурс Мәскәүдә узачак. Балаларны һәм аларны озата йөрүчеләрне юл бәясе, яшәү һәм туклану чыгымнарын НТВ телеканалы үз өстенә алачак.

Конкурска гаризалар 2022 елның 15 маена кадәр кабул ителә.