ЯҢАЛЫКЛАР
Бүген Мәскәүдә Россия ИКОМ Халыкара музейлар берлеге комитетының гомуми җыелышы узды. Җыелышта Россия комитетының яңа президенты сайланды. Президент култыгына быел "Гатчина" Дәүләт музей-тыюлыгы директоры Василий Юрий улы Панкратов лаек булды.
Шулай ук Россия ИКОМ комитеты Президиумының яңа составы сайланды. Яңа президиум составына Татарстанның ике вәкиле - "Зөя утрау-шәһәрчеге" дәүләт музей-тыюлыгы директоры Артём Николай улы Силкин һәм Алабуга дәүләт музей-тыюлыгы директоры Гөлзада Рәкыйп кызы Руденко керде.
2022 елның 27 ноябрендә 18.00 сәгатьтә С.Сәйдәшев исемендәге Дәүләт зур концертлар залында Юрий Башмет һәм «Мәскәү солистлары» Камера ансамбленең Хәйрия концерты булачак. Концерт «Мәскәү солистлары» Камера ансамбленең 30 еллыгына багышланган турне кысаларында уза.
Бүген Мәскәүдә Зур Балалар фестивалендә җиңүчеләрне бүләкләү тантанасы узды. Казан яшь тамашачы театрының «Иванның балачагы» спектакле лауреат исемен алды һәм фестивальнең сәнгать җитәкчесе - Россия Федерациясенең халык артисты Сергей Безруковтан бүләккә лаекка булды.
5-10 декабрьдә Татарстан Республикасы Милли китапханәсендә китап укучылар, туган якны өйрәнүчеләр, сәнгать белгечләре, рәссамнар, китап блогерлары, театр һәм кино белгечләре катнашында "Текст" фестивале узачак. Фестиваль программасында 25 вакыйга.
1-10 декабрь көннәрендә инвалидлар декадасы алдыннан без «Казан Кремле» Музей-тыюлыгы үрнәгендә музейда инклюзив практикалар турында сөйләшербез. Лектория кысаларында очрашу 2022 елның 30 ноябрендә 18:30 сәгатьтә узачак.
«ТИС» Мәдәни мирас Яңарыш фонды һәм «KEYNOTEAMG» продюсерлык үзәге бердәм мәдәни брэнд астында масштаблы мәдәни проект «Геройны табарга» Бөтенроссия социаль сәнгать конкурсын уздыруны планлаштыра.
Сәед Галиев исемендәге мәдәният йортында Dance-show «Ассорти» төркеменең юбилей иҗат кичәсе узды.
Декабрь аенда Казан шәһәрендә генеалогик форум үткәрү планлаштырыла, ул «Терра.Татарстан» проекты кысаларында узачак. Әлеге проектны оештыручы - «САМОРОДОК» гаиләнеңрухи кыйммәтләрен һәм традицияләрен саклау буенча социаль проектларны гамәлгә ашыру үзәге.
2022 елның 2 декабрендә Халыкара инвалидлар көне алдыннан, Россия гражданнарының игътибарын инвалидларның хокукларына һәм ихтыяҗларына җәлеп итүне күздә тоткан "Уңайлы мохит" Тоталь тесты старт ала. Россиянең барлык төбәкләрендә инвалидлар декадасы дәвамында инклюзив аралашу һәм уңайлы мохитне оештыру мәсьәләләре буенча белемнәр тикшереләчәк, шулай ук инвалидларның тормыш сыйфатын яхшыртуга юнәлтелгән агарту чаралары һәм акцияләр оештырылачак.
25 ноябрь 10.00 сәгатьтә Кремльнең конференц-залында, 4 подъезд) «Россия исламы, милләтара һәм динара татулыкны ныгыту факторы буларак» халыкара конференция ачылачак.