ЯҢАЛЫКЛАР
«Татаркино» мәдәният учреждениесе үзенең рәсми сайтында «Онлайн кинотеатр» кушымтасында Татарстанда төшерелгән фильмнарны урнаштырды. Хәзер аларны ирекле рәвештә карап була. Проект ТАССРда кино җитештерү һәм кинопрокат оештыруның 100 еллыгына гамәлгә ашырыла, ул киләсе елда билгеләп үтеләчәк.
6 июньдә Мәскәүдә «Кызыл мәйдан» IX Китап фестивалендә «Татарстан Республикасы Милли музее җыелмаларында ислам мәдәнияте һәйкәлләре» каталогын тәкъдир иттеләр.
10 июньдә «Зөя утрау-шәһәрчеге» музей-тыюлыгында «Бөркет- патшалар кошы» Россиянең дәүләт геральдикасы» күргәзмәсе ачыла. Чара Зөя утрау - калачыгында шундый ук исем астында «Бөркет - патшалар кошы» реставрация фестивале кысаларында уза.
2023 елның 6 июнендә «Казан Кремле» музей-тыюлыгының күргәзмә залларында Көнчыгыш Казахстан тарих-туган якны өйрәнү музее коллекциясеннән «Бөек дала алтыны» күргәзмәсе ачылды. Анда 15 меңгә якын предмет тәкъдим ителгән, алар арасында алтын бизәнү әйберләре, кыйммәтле ташлар, казаннар һәм кием-салымны реконструкцияләү һәм башкалар бар.
Кичә Казанда төрки халыкларның «Нәүрүз» XVI Халыкара театр фестивале ачылды. Беренче көнне матбугат конференциясе, Татарстан спектакльләрен күрсәтү, тантаналы ачылыш һәм быелгы хэдлайнерларның берсе булган Драма сәнгате мәктәбенең (Мәскәү) «Вишневый сад» спектакле күрсәтелде.
Бүген 2023 елның 6 июнендә Казан Кремлендә Россия Федерациясе Федераль Җыены Дәүләт Думасы мәдәният буенча Комитет рәисе Елена Ямпольская рәислегендә күчмә утырыш узды. Утырышның темасы - "Россия Федерациясендә этномәдәни төрлелекне саклауны тәэмин итү өчен хокукый һәм оештыру нигезләрен булдыру. Төбәк аспекты".
4-5 июньдә Казанда «Туку бистәсендә рухани көн» православие шәһәр фестивале узды. Ул тарихи урында, халык күңел ачулары, традицияләр белән башланып китте.
Бүген Казанда XVI «Нәүрүз» Халыкара театр фестивале ачыла. Быел фестивальдә нәрсәләр көтелүе турында матбугат конференциясендә сөйләделәр. Чарада ТР мәдәният министры урынбасары Дамир Натфуллин, Г.Камал исемендәге Татар дәүләт Академия театрының баш режиссеры, «Нәүрүз» фестиваленең сәнгать җитәкчесе Фәрит Бикчәнтәев, Драма сәнгате мәктәбенең режиссер-артистлар лабораториясе сәнгать җитәкчесе Игорь Яцко һәм А.Салаватов исемендәге Дагестан дәүләт кумык музыкаль-драма театрының баш режиссеры Скандарбек Тулпаров катнашты.
17-18 июньдә Казанда алтынчы мәртәбә «Алмаш (Смена)» заманча мәдәният үзәге тарафыннан оештырылган Җәйге китап фестивале узачак.
Хәзерге вакытта Казан Кремлендә РФ ФС Дәүләт Думасы Мәдәният комитеты рәисе Елена Ямпольская рәислегендә Россия Федерациясе Федераль Собраниесе Дәүләт Думасының мәдәният буенча комитетының күчмә утырышы уза.Утырышның турыдан-туры трансляциясен түбәндәге сылтама буенча карарга мөмкин: https://vk.com/kazan_kremlin?z=video-9253143_456239351%2Fvideos-9253143
Утырышның темасы - "Россия Федерациясендә этномәдәни төрлелекне саклауны тәэмин итү өчен хокукый һәм оештыру нигезләрен булдыру. Төбәк аспекты".