ЯҢАЛЫКЛАР
Ел саен 26 апрельдә Татарстан Республикасында Туган тел көне билгеләп үтелә. Бу көнне һәм ай дәвамында Татарстанның муниципаль районнарында һәм башкалада истәлекле чаралар һәм тантаналар уза.
Мәскәү консерваториясенең Зур залында тантаналы Пасха фестивале ачылышыннан соң Валерий Гергиев җитәкчелегендәге Мариин театрының симфоник оркестры ил буйлап сәяхәткә чыгачак һәм беренче тукталыш Казанда булачак.
Концертлар Казанда С.Сәйдәшев исемендәге ДЗКЗ сәхнәсендә 25 апрельдә 15:00 һәм 18:00 сәгатьтә узачак.
Дәүләт Третьяков галереясеннән һәм Дәүләт Рус Музееннан соң Татарстан дәүләт сынлы сәнгать музее коллекциясе илдә әһәмияте буенча өченче урында тора.
Күргәзмәдә иң эре осталарыныж берсе - Иван Шишкинның яхшы танылган әсәрләре күрсәтеләчәк.
Шишкин һәм Максимов картиналары күргәзмәсенә керү түләүле булачак - 130 сум, галереянең башка экспозицияләре апрель ахырына кадәр "Хәзинә" акциясе кысаларында йөрү өчен бушлай кала.
23-24 апрельдә Казанның Студентлар эзтабарлар отрядлары Ленинград өлкәсенең Тосно районында узачак «Любань» язгы төбәкара эзләнү экспедициясенә юл тотачак. Студентлар белән бергә 1941-1945 еллардагы Бөек Ватан сугышы Музей-мемориалы мөдире Александр Александров та бара.
14 апрельдән Питрәч районында «Ленино-Кокушкино» тарихи-мәдәни музей-тыюлыгы Татарстан Республикасы Милли музееның филиалы булды.
Музей-тыюлык Татарстаннан читтә дә киң танылган. Хәзер бу Милли музейның 13 нче филиалы. Ун филиал Казанда, өчесе республика районнарында, шул исәптән "Ленино-Кокушкино".
Бөек татар шагыйре Габдулла Тукайның тууына 136 ел тулуны бәйрәм итү кысаларында Арча муниципаль районында бәйрәм чаралары үткәрү планлаштырыла.
24 апрель көнне 15.00 сәгатьтә А.М.Горький һәм Ф.И. Шаляпин музеенда Татарстанның атказанган артисты, Россия Язучылар берлеге әгъзасы, Флора Вафинаның «Өмет нуры» иҗат кичәсе узачак.
Иҗади кичә 15:00 сәгатьтә башлана.
2022 елның 28 апрель һәм 5 маенда Саха Республикасы Милли бию театры (Якутия) С.А. Зверева-Кыыл Уола Мәскәүдә һәм Санкт-Петербургта "Ак Кояш балалары" Рәшит Кәлимуллин музыкасына этнобалет гала-концерты белән чыгыш ясаячак.
12-17 нче апрель көннәрендә Архангельскида Халыкара балалар спектакльләре фестиваленең «ЭХО БДФ» программасы кысаларында тәүге тапкыр 2021 елның лауретлары тәкъдим ителде. Фестиваль программасы бай иде: драматик, музыкаль һәм курчак спектакльләре, кинофильмнар күрсәтелде, китап фестивале узды. Моннан тыш, «Моя Родина – Север» заманча балалар әдәбияты буенча режиссерлар лабораториясе үткәрелде.
2022 елның 27 апрелендә 18.30 сәгатьтә Габдулла Тукай исемендәге Татар дәүләт филармония залында ТР атказанган артисткасы Ригина Вәлиева концерты була.
Концертны «Пушкин картасы» программасы буенча карарга була.