“Туган якны өйрәнү тирәлеге”нең чираттагы утырышы Мөсәгыйть Хәбибуллинга багышланачак
2007 елның 11 декабре, сишәмбе
13 декабрь 14.00 сәгатьтә Милли музейның конференцияләр залында “Туган якны өйрәнү тирәлегенең” чираттагы утырышы М.Хәбибуллин туына 80 ел тулуга багышлана.
Мәктәпне бетергәннән соң, Мөсәгыйть Хәбибуллин Чиләбегә эшкә китә. Анда ул Магнитогорск комбинатында токарь, Башкортстанның Октябрьск шәһәрендәге бурау конторасында оста булып эшли. 1953 елда ул кабат туган авылына кайта һәм каләмгә тотына.Аның беренче әсәрләре “Байрак” һәм “Маяк” район газеталарында басыла, соңрак ул аларда корреспондент булып та эшли. 1969 елда аның “Җиде юл чатында” дип исемләнгән беренче китабы басыла. Шуннан соң язучы Таджикстанга күчеп китә. Биредә ул мәктәптә тарих һәм җәмгыять белеме фәннәрен укыта, шуның белән бергә Казан дәүләт университетының тарих-филология факультетында читтән торып белем ала. 1972 елда Мөсәгыйть Хәбибуллин кабат Казанга кайта. Бер – бер артлы яңа китаплар бастыра. Язучы үз хезмәтләре белән әдәбиятка яңа тема, яңа характерлар, яңа тормышчан проблемалар алып килә. Ул елларда аның хезмәтләрен замана сулышы дип атыйлар. Ул да булмый, Мөсәгыйть Хәбибуллин иҗатында яңа борылыш – язучы үз халкының үткәне хакында кызыксына башлый. “Кубратхан” (1985), «Илчегә үлем юк»,«Сөембикә ханбикә һәм Иван Грозный», «Батый хан һәм Ләйлә» – болар Казан ханлыгы, Болгар дәүләте вакытында булган вакыйгалар һәм геройлар хакында бәян итүче әсәрләр. Мөсәгыйть Хәбибуллинны тарихи роман язу остасы дип юкка гына атамыйлар. Татар халкының тарихи – мәдәни мирасын торгызуга зур өлеш керткәне өчен, язучыга 1996 елда Кол Гали, 2003 елда “Кубратхан” романы өчен, Г.Тукай исемендәге дәүләт премиясе тапшырылды. Инде өлкән булуына да карамастан, Мөсәгыйть агадан укучылар яңа әсәрләр көтеп кала.
Белешмәләр өчен телефон: 292-32-18
Бүлешү:
СОҢГЫ ЯҢАЛЫКЛАР
21
ноябрь, 2024 ел
«Хыялга бер адым» – Тинчурин театры өчен махсус язылган яңа әсәр.
18-19 декабрьдә 18.30 сәгатьтә К.Тинчурин исемендәге Татар дәүләт драма һәм комедия театры «Хыялга бер адым» бер сәфәр тарихы премьерасын (12+) тәкъдим итә. Автор – Муса Җәлил исемендәге Республика премиясе лауреаты Рөстәм Галиуллин, режиссер – театрның баш режиссеры Туфан Имаметдинов. Әлеге спектакль – 91 нче театраль сезонның өченче премьерасы.
20
ноябрь, 2024 ел
15 декабрь 18.00 сәгатьтә Габдулла Тукай исемендәге Татар дәүләт филармония концертлар залында ике чор кисешәчәк.Үткәннән кайтаваз булып яңгыраган Әлфия Авзалова җырлары һәм “Калеб” яшь буын иҗатчылары тудырган яңа җырлар, бер җепкә үрелеп, кабатланмас аһәң тудырачак.
А.Гыйләҗев исемендәге Чаллы татар дәүләт драма театры «Сөясеңме, сөймисеңме?» дип исемләнгән премьерага әзерләнә. Аның жанры моңсу комедия дип билгеләнде.
14
ноябрь, 2024 ел
Чарада проектның беренче сезонының актив катнашучылары бүләкләнде.
К.Тинчурин исемендәге Татар дәүләт драма һәм комедия театрында «Журналистика мәктәбе» проектының II сезоны старт алды. Проект театр журналистларын һәм тәнкыйтьчеләрне әзерләүгә юнәлтелгән.
ЯҢАЛЫКЛАРГА ЯЗЫЛУ
Адрес: 420060, Казан шәһәре, Пушкин урамы, 66/33
Телефон:
+7 (843) 264-74-01, 264-74-02
Факс: +7 (843) 292-07-26
E-Mail: mkrt@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз