15 ноябрьдә «Идел-йорт» фестивале сәхнәсендә Башкортостан Республиккасы Дүртөйле район мәдәният йортының татар халык театры коллективы Туфан Миңнуллинның «Ант» спектаклен күрсәтте. Тамашачылар артистлар уенын бик җылы кабул итте.
Коллективка Бөтендөнья татар конгрессыннан һәм Камал театрыннан истәлекле бүләкләр тапшырылды. Жюри режиссер белән берлектә спектакльгә анализ ясап, тәкъдимнәр бирде.