«Татарстан – безнең йортыбыз» республика этномәдәни фестиваленең гала-концерты була.
Һәр ел саен фестивальнең муниципаль һәм зона турларында Татарстан Республикасында яшәүче төрле халыкларның ике йөзгә якын иҗат коллективы катнаша. Быелгы турларда катнашучыларның саны 1290 тирәсе булды.
Фестивальнең 4 ноябрьдә «Пирамида» мәдәни-күңел ачу комплексында узачак йомгаклау концертында республиканың 22 муниципаль районыннан 52 коллектив чыгыш ясарга әзерләнә. Татарстан Республикасы Президентының да катнашуы көтелә.