Сукырлар һәм начар күрүчеләр өчен махсус республика китапханәсе сентябрь ахырында Ижевск шәһәрендә уздырылган «Үзенчәлекле категория укучыларга мәгълүмати-китапханә хезмәте күрсәтү системасы традицияләре һәм андагы яңалыклар» төбәкара фәнни-гамәли конференциясендә катнашты. Монда күзләре күрмәүче яисә начар күрүче китап сөючеләргә хезмәт күрсәтүдә килеп туган проблемалар, аларны хәл итү, бу системадагы эшне җиңеләйтергә мөмкинлек тудыручы яңалыклар турында җанлы фикер алышу булды.