25 августта Казанда Муса Җәлилне һәм аның көрәштәшләрен искә алу көне уздырыла.
Бу көнне «Идел-Урал» легионы, фашистлар тоткынлыгында аларга каршы көрәш алып барган милләттәшләребез язмышына багышланган «Ярлыкау алмаганнар көрәше» дигән яңа документаль фильм күрсәтеләчәк. Аны режиссер Денис Красильников төшергән.
Соңыннан аудитория алдында 1995 елдан легион тарихын өйрәнүче тарих фәннәре докторы Искәндәр Гыйләҗев, 825 батальон язмышын өйрәнгән тарих фәннәре кандидаты Рөстәм Гайнетдинов, Камал театры режиссеры Фәрит Бикчәнтәев чыгыш ясаячак. Кичә Муса Җәлилнең музей-фатирында иртәнге сәгать унда башлана.
238-50-48, 292-32-18
Татарстан Республикасы Мәдәният министрлыгының Матбугат хезмәте