“Созвездие - Йолдызлык” лауреатлары “Артек” халыкара балалар үзәгендә чыгыш ясаячак

“Созвездие - Йолдызлык” лауреатлары “Артек” халыкара балалар үзәгенең 90 еллыгы уңаеннан тантаналарда  чыгыш ясаячак.

 “Созвездие  -Йолдызлык” телевизион эстрада конкурсында катнашкан Татарстанның сәләтле балалары “Артек” халыкара балалар үзәге оешуга 90 ел тулу уңаеннан уздырыла торган бәйрәм концертында чыгыш ясачак. Концерт 15-16 июнь көннәрендә “Беренче канал” тарафыннан төшерелер дип планлаштырыла.

Моннан тыш, конкурста лауреат исеме яулаган 50 бала әлеге үзәкнең “Артек”, “Озерный”, “Речной” лагерьларында 29 майдан 17 июньгә кадәр ял итәчәк.

Иртәгә “Артек”ка юлга кузгалучылар арасында “Изумрудный город” төркеме, “Дорога из города” бию студиясе театры, “Новые правила” вокаль ансамбле, “Лик” хореография ансамбле, яшь җырчылар Зилия Вафина, Лея Әхмәтова, Виктория Пузанкова, Лия Шәйдуллина, Алисә Суетина, Гүзәл Хәйриева бар.

“Татар-информ” МА