Иртәгә Алабуга районы Мәдәният йортында өрмә һәм бәрмә уен коралларында уйнаучылар арасында ”Звенящие фанфары” IV республика конкурсы була.
Катнашучылар арасында җиңүчеләрне 3 номинациядә билгеләячәкләр: “Ялгыз башкару” (агач өрмә, бакыр өрмә һәм бәрмә уен коралларында уйнаучылар 3 яшь категориясендә бәяләнә), “Өрмә уен кораллары ансамбле”, “Оркестр”.
ТР Мәдәният министрлыгы, мәдәният һәм сәнгать белем бирү учреждениеләре буенча республика методик үзәге, Алабуга муниципаль районы хакимияте, эстрада-өрмә оркестрының 2 нче номерлы балалар музыка мәктәбе оештырган конкурска 250 заявка килгән.