Казанда Владимир Малышевның сәнгать коллекциясеннән «ВГИК һәм аның дуслары» дигән күргәзмә ачыла
Е.А. Боратынский музееның Ак залында 14 майда Малышевның сәнгать коллекциясеннән рәсемнәр күргәзмәсе ачыла. Экспозициянең нигезен сәнгать белеме докторы, профессор, С.А. Герасимов исемендәге Бөтенроссия дәүләт кинематография университеты (ВГИК) ректоры В.С. Малышев туплаган сәнгать әсәрләре тәшкил итә. Владимир Сергеевич Малышев – күпкырлы иҗади шәхес, иң эре иҗади югары уку йортларының берсе җитәкчесе. Ул үзенең бай тәҗрибәсен сәнгать әсәрләрен туплау эшенә салган. Коллекциядә мәктәпләр һәм жанрлар, исемнәр һәм стиль өстенлекләре буенча каты сайлап алу принциплары юк. Күп эшләр дуслар, хезмәттәшләр һәм укучылар тарафыннан бүләк ителгән. Еш кына мондый бүләкләр җылы автор багышлаулары белән бергә булган һәм сәнгатьнең киң спекторын күрсәткән: рәсем сәнгате һәм графикадан алып китап иллюстрацияләре, кече сынлы сәнгать һәм фарфор әйберләренә кадәр. Җыелманың әһәмиятле өлешен 2000 нче елларда иҗат ителгән, күп стильлелек белән аерымлып торган әсәрләр тәшкил итә. Жанрлар күптөрлелеге тәэсирләндерә: пейзаж, натюрморт, портрет һәм фэнтези, метафорик композицияләр. Авторлар арасында Зураб Церетели, Никас Сафронов, Виктор Брагинский кебек билгеле исемнәр дә бар. Күргәзмәдә А. Стекольщиков, В. Архипов, А. Лаптев, В. Соболев, Ю. Журавлева, А. Аникин, С. Андрияка һәм башкалар кебек үзенчәлекле осталарның югары профессиональ, образлы, тере һәм ачык эшләре дә тәкъдим ителгән.
«ВГИК һәм аның дуслары» күргәзмәсендә тәкъдим ителгән эшләр кинематография һәм сынлы сәнгать дөньясы арасында сәнгать диалогын күрсәтә. Игътибар үзәгендә – ВГИК белән күренекле иҗат ияләре: рәссамнар, сынчылар, кулланма сәнгать осталары арасында унъеллыклар дәвамында формалашкан бәйләнешләр. Аерым әсәрләр кинематограф белән бәйле һәм экран сәнгате эстетикасын чагылдыра. Һәр экспонат – коллекционерның шәхси тарихының бер өлеше һәм шул ук вакытта зур мәдәни мозаиканың фрагменты, анда ВГИК берләштерүче звеносы булып чыгыш ясый. Бу әсәрләр аша югары уку йортының иҗади тирәлеге аеруча атмосферасы ачыла: дуслык, фикерләр уртаклашу, рәссамнарның, режиссерларның, актерларның, сценографларның үзара илһамлануы.
Күргәзмә киң тамашачыларга юнәлдерелгән: рәсем һәм кулланма сәнгать гашыйкларына, кинога мәхәббәт кешеләренә, иҗади белгечлек студентларына һәм төрле иҗат төрләре арасында тере бәйләнеш белән кызыксынучыларның барысына да. Владимир Малышевның сәнгать коллекциясеннән «ВГИК һәм аның дуслары» күргәзмәсе кинематографистларны әзерләп кенә калмыйча, үзенчәлекле мәдәни фәза формалаштыра торган университетка яңача карарга мөмкинлек бирә.