Бөек Җиңү көненә Казанның Архангел зиратындагы солдат каберләре төзекләндерелде
Дуслык йорты һәм Татарстан халыклары ассамблеясе, 1941-1945 еллардагы Бөек Ватан сугышы Музей-мемориалы вәкилләре 9 май Җиңү көнен бәйрәм итү алдыннан Казанның Архангел зиратындагы солдат каберләрен төзекләндерделәр. Бу чара Россия халыклары бердәмлеге елы һәм Татарстанда сугыш һәм хезмәт батырлыгы елы кысаларында узды.
Чарада катнашучылар үзләре белән 20 кап ком һәм кирәкле җиһазлар алып килделәр, чүп-чарны җыйдылар, уты-чүпне утадылар, мемориаль такталарны һәм чикләүче бордюрларны чистарттылар, каберлекләргә ком салдылар һәм тигезләделәр. Казан госпитальләрендә авыр яралардан вафат булган сугышчылар күмелгән сигез кабер төзекләндерелде.
Бу каберлекләр төп хәрби мемориалдан читтә, зират эчендә урнашкан.
Чарада катнашучылар: Кирилл Башаров – Дуслык йортының Мәгълүмат үзәге мөдире; Рамил Азимов – Дуслык йортының музей-күргәзмә эшчәнлеге бүлеге мөдире; Фарход Валиев һәм Мөъмин Юнысов – Татарстандагы таҗик милли-мәдәни берләшмәсенең яшьләр хәрәкәте вәкилләре; Роман Тургенев – 1941-1945 еллар Бөек Ватан сугышы Музей-мемориалының кече фәнни хезмәткәре (Татарстан Республикасы Милли музее филиалы).