Казанның «Рәсәй – Минем тарихым» тарихи паркында Бөек Ватан сугышы елларында табибларның батырлыгына багышлап мультимедиа күргәзмәсе ачылды
2026 елның 8 маенда Казанда «Саклап кайтарырга. Бөек Җиңүнең медицина фронты» дигән мультимедиа күргәзмәсе эшли башлады. 11 мультимедиа залында тәкъдим ителгән экспозиция Бөек Ватан сугышы елларында хәрби медицинаның кеше тормышын саклауда һәм армиянең сугышчан сәләтен тәэмин итүдәге ключевой, ләкин еш кына күләгәдә калып торган ролен ача. Проект «Яшьләр һәм балалар» илкүләм проектының «Бергә» федераль проекты кысаларында тормышка ашырыла. «Бу күргәзмә безгә фронтта һәм госпитальләрдә көн саен батырлык кылып, тормышлар саклап калган кешеләрне искә төшерә. Заманча мультимедиа форматлар аша яшьләрнең тарихның бу билгесе белән тирәнрәк танышуы мөмкин булуы бик мөһим», – дип билгеләп үтте Россия Федерациясе Федераль Җыенының Дәүләт Думасы депутаты Т.П. Ларионова.
Күргәзмә архив материаллары, документаль хроника һәм күренекле хәрби медицина вәкилләре турында тарихлар белән танышу мөмкинлеге бирә. 70 мультимедиа экранында Николай Пирогов, Зинаида Ермольева, Сергей Юдин һәм хәрби-кыр медицинасын үстерүгә зур өлеш керткән башка күренекле табиблар турында материаллар тәкъдим ителә. Мәктәп укучылары һәм балалар өчен интерактив зоналар әзерләнгән, анда кыр хирургларының ничек эшләвен һәм партизан госпиталенең ничек оештырылганын белергә була. «Бу Җиңү – безнең уртак, чөнки халкыбыз түләгән шул бөек бәя – бу безнең бабайларыбызның бәясе. Нәкъ менә шул безне Җиңүче халык итә», – дип билгеләп үтте Татарстан Республикасы Дәүләт Советының социаль политика комитеты рәисе А.С. Созинов.
Ачу көнне күргәзмәне 500дән артык кеше карады: өлкән сыйныф укучылары, көллият студентлары, Россия Федерациясенең Татарстан буенча Юстиция министрлыгы хезмәткәрләре һәм Татарстан Сәламәтлек саклау министрлыгының Республика медицина китапханә-мәгълүмат үзәге хезмәткәрләре. Күргәзмә 2026 елның 8 маеннан 26 июненә кадәр дүшәмбедән кала көн саен сәгать 10:00 дән 19:00 га кадәр эшләячәк. Керү ирекле. 9 һәм 10 майда сәгать 13:00 дә Җиңү көненә багышланган бәйрәм программасы кысаларында килүчеләр өчен «Спасти и вернуть. Медицинский фронт Великой Победы» күргәзмәсе буенча җыелма экскурсияләр оештырылачак.
Адрес: Казан шәһәре, Ырынбур тракты урамы, 8 нче