«Йосыповлар. Гасырлар аша зиннәт» күргәзмәсендә «Музей төне» узачак
16 май көнне сәгать 18:30 дан 23:00 гә кадәр «Йосыповлар. Гасырлар аша зиннәт» күргәзмәсендә «Музей төне» акциясе узачак. Бу күргәзмәне хәзерге килеш күреп бетерүнең соңгы мөмкинлеге булачак. 18 майда залларның берсе ротацияга ябыла. Шуңа күрә без уникаль вакыйгаларны бер кичкә тупладык.
Килүчеләрне нәрсә көтә: — Сәгать 18:30 да күргәзмә буйлап Илья Артамонов экскурсия үткәрәчәк. Ул залларның нәрсә өчен шундый итеп төзелгәнен, гадәттә күрүчеләр игътибарыннан кайсы детальләрнең качуы турында сөйләячәк.
Сәгать 19:30 да һәм 21:30 да алты залда La Primavera камера оркестрының кыллы квартеты уйный башлаячак. Юсуповлар музыканы яраткан, аларның үз оркестры һәм Страдивари скрипкалары коллекциясе булган, һәм бу традиция шул төндә яңадан торгызылачак.
Сәгать 21:30 да мода эксперты, Modest Covered һәм Fashion Iftar проектларын нигезләүче Җаннат Мингасова Юсуповлар коллекциясенә көтелмәгән яктан караячак һәм күргәзмә буйлап автор экскурсиясе үткәрәчәк.
Сәгать 19:30 да «Энҗе зиннәте» мастер-классы узачак. Катнашучылар кенәз хатыннары Юсуповларның бизәнү әйберләреннән илһамланып, энҗе бөртекләреннән һәм тасмалардан брелок ясаячак. Катнашу бәясе 1000 сум. Барлык материаллар да тәкъдим ителә.
Шулай ук сәгать 18:30 дан 21:00 гә кадәр Эрмитаж китапханәсенә кереп булачак, анда гадәттә витриналарга куелмый торган сирәк китапларны күрсәтәчәкләр һәм киләчәктәге үзеңә хат язып булачак. Бер елдан ул адресатка электрон почта аша кайтарылачак.
🗓️ Вакыты һәм урыны
Кайчан: 16 май, сәгать 18:30 дан 23:00 гә кадәр. Кайда: «Эрмитаж-Казан» үзәге, «Казан Кремле» музей-тыюлыгы.