Россия һәм БДБ илләре китапханәчелек җәмәгатьчелеге вәкилләре Муса Җәлилнең тууына 120 ел тулуга багышланган «Тере юллар» акциясендә катнашты
Муса Җәлилнең «Моабит дәфтәре» циклыннан «Варварлык» шигырен Россия һәм БДБ илләре китапханәчелек җәмәгатьчелеге вәкилләре укыды.
2026 елда бөек татар шагыйрь-герое Муса Җәлилнең (1906–1944) тууына 120 ел тула.
1957 елның 22 апрелендә Муса Җәлил «Моабит дәфтәре» шигырьләр циклы өчен Ленин премиясенең беренче шагыйрь-лауреаты булды (вафатыннан соң). Бу датага Татарстан Республикасы Милли китапханәсе Муса Җәлилнең иҗат мирасын пропагандалау һәм аның әсәрләренә игътибарны җәлеп итүгә юнәлдерелгән «Тере юллар» акциясен оештырды. Анда Россия һәм БДБ илләренең 9 китапханәсе катнашты, аларның хезмәткәрләре рус телендә камерага билгеле «Моабит дәфтәрләре»нә кергән тетрәндергеч «Варварлык» шигыреннән (1943 ел) юллар укыды.
Китапханәчелек җәмәгатьчелеге вәкилләре катнашында төшерелгән видеоролик Татарстан Республикасы Милли китапханәсенең социаль челтәрләрендә бастырылган. Сез аны безнең Вконтакте төркемендә һәм Rutube сайтында карый аласыз.