Мәскәүдә Габдулла Тукайның 140 еллыгын билгеләп үтәләр
Габдулла Тукай туган көнендә, 26 апрельдә, Мәскәүдә гадәттәгечә шагыйрь һәйкәленә чәчәкләр салалар.
Быел бөек мәдәният эшлеклесе тууына 140 ел тула.
Тантанада Татарстан Республикасының Россия Федерациясендәге Тулы вәкаләтле вәкиллеге җитәкчелеге, Мәскәү татарлары автономиясе, җәмәгатьчелек катнашачак.
Монумент 15 ел элек – 2011 елда ачылган. Бу вакыйганы Мәскәү татарлары күптән көткән, һәм ул башкалада шагыйрьнең тууына 125 ел тулуга багышланган чаралар кысаларында төп вакыйга булды. Проектны Татарстанның Тулы вәкаләтле вәкиллеге гамәлгә ашырды.
Россия башкаласында монумент өчен урынны тарих үзе әйтте. Ул Замоскворечьеда-элеккеге Татар бистәсендә, Новокузнецк урамында урнаштырылган.
Һәйкәл Россия башкаласына Мәскәү Хөкүмәте Карары нигезендә Татарстан Республикасы Хөкүмәте тарафыннан бүләк ителгән. Һәйкәл куюда меценатлар зур ярдәм күрсәтте.
Монументның авторы-Россиянең Атказанган рәссамы Салават Щербаков.
Башлана 12.00 сәгатьтә, катнашучылар җыела 11.45 сәгатьтә.
Адресы: Новокузнецкая урамындагы сквер, Д. 2.13/15 – 17/19
13.00 сәгатьтә Габдулла Тукай исемендәге Мәскәү балалар иҗаты фестивале лауреатлары бүләкләнде.
Чара Мәскәүнең Татар мәдәни үзәгендә уза.
Адресы: кече Татар тыкрыгы, 8.