Казанда Валерий Гергиев җитәкчелегендәге XXV Мәскәү Пасха фестивале концертлары узачак
2026 елның 5 маенда Салих Сәйдәшев исемендәге Дәүләт Зур Концертлар залы сәхнәсендә Валерий Гергиев җитәкчелегендәге XXV Мәскәү Пасха фестивале концертлары узачак.
Валерий Гергиев җитәкчелегендәге Мариин һәм Зур театрларның берләшкән оркестры сәгать 15:00 һәм 19:00дә төрле программалар белән чыгыш ясаячак.
Фестиваль үзенең булган еллары эчендә Россия мәдәни тормышының иң эре һәм көтелгән вакыйгаларының берсенә әйләнде. Ул миллионлаган россиялеләр өчен ел саен уза торган музыка бәйрәме генә түгел, ә төрле илләр һәм аның катнашучылары арасында ышанычлы дуслык күпере дә.
XXV Мәскәү Пасха фестивале Мәскәү һәм бөтен Русь Изге Патриархы Кирилл батасы белән 2026 елның 12 апреленнән 10 маена кадәр уза. Юбилей сезоны программасы – фестиваль үткәрелгән чордагы иң озын һәм иң масштаблысы.
В.А. Гергиев җитәкчелегендәге Мариин һәм Зур театрларның Берләшкән симфоник оркестры инде юлда: 29 көн эчендә музыкантлар 20 000 километрдан артык юл узып, Россиянең 40ка якын шәһәрендә булачак.