Окопларда туган көйләр: Казанда Ленинград хәрби округы Җыр һәм бию ансамбле концерты узды
Татарстан Халыклар дуслыгы йортының концерт залында Хәрби һәм хезмәт батырлыгы елы кысаларында Ленинград хәрби округы Җыр һәм бию ансамбле концерты узды.
96 еллыгын билгеләп үтүче Россиянең иң борынгы иҗат коллективларыннан берсе Татарстанда беренче тапкыр чыгыш ясавы түгел. Ул озак еллар дәвамында хәрби хезмәткәрләрне һәм курсантларны, ә хәзерге вакытта махсус хәрби операциядә катнашучыларны һәм аларның гаиләләренә ярдәм күрсәтә.
Концерт тулы зал белән узды — сәхнәдән хәрби-патриотик җырлар яңгырады, аларның кайберләрен тамашачылар басып торып, күзләрендә яшь белән тыңлады. Шулай ук фольклор әсәрләр һәм заманча эстрада вокал һәм хореография номерлары башкарылды.
Легендар коллектив 1929 елда нигезләнгән һәм башта нибары алты җырчы, ике биюче, баянчы һәм чтецтан торган. Вакыт узу белән ансамбль илнең мөһим мәдәни символларының берсенә әверелгән. Бөек Ватан сугышы башланганда ансамбльнең инструменталь төркем, хор һәм хореография коллективын кертеп, саны якынча 50 кеше тәшкил иткән. Соңрак коллективның 15 әгъзасы шәһәр саклаучыларының рухын күтәрүгә керткән өлеше өчен сугыш бүләкләренә лаек булган.