«Безнең барыбыз да балачактан» күргәзмәсе «Хәзинә» Милли сәнгать галереясында ачылачак
12 мартта сәгать 16.00да ТР ДСМ «Хәзинә» Милли сәнгать галереясында ике рәссам – Александр Туманов һәм Тавил Хаҗиәхмәтовның тууына 90 ел тулуга багышланган «Безнең барыбыз да балачактан» күргәзмәсе ачылачак. Экспозиция тамашачыны 1960-80 еллардагы Татарстан китап сәнгатенең ике төп сәнгать тенденциясе белән балалар басмаларына иллюстрацияләр мисалында таныштырачак. Күргәзмәдә ТР ДСМ тупланмасыннан рәссамнарның 90 дан артык график әсәре һәм КФУның Н.И. Лобачевский исемендәге Фәнни китапханәсе фондларыннан алар бизәгән 100 дән артык китап тәкъдим ителә.
Күргәзмәдә тәкъдим ителгән рәссамнарның Татарстан Республикасы Дәүләт сынлы сәнгать музее тупланмасыннан график әсәрләре балачак темасы белән берләштерелгән. Бу – татар, рус һәм чит язучыларның әкиятләренә һәм балалар китапларына иллюстрацияләрнең оригиналлары, балалар портретлары, пейзажлар, жанрлы композицияләр, уникаль (акварель, гуашь, карандаш, каләм һәм щетка белән тушь) һәм басма (ксилография, офорт) графикасының төрле техникаларында эшләнгән. Казан федераль университетының Н.И. Лобачевский исемендәге Фәнни китапханәсе фондларыннан осталар бизәгән 100 дән артык китап алар эшләгән жанр диапазонының киңлеген чагылдыра: әкиятләр, шигырьләр, хикәяләр, мәкальләр һәм әйтемнәр җыентыклары, повестьлар, дәреслекләр һ.б.
Күргәзмә 2026 елның 13 мартыннан 3 маена кадәр ТР ДСМ «Хәзинә» Милли сәнгать галереясының (Казан Кремле, 1, 80 нче корпус) беренче катында ачык булачак.