10 мартта Милли антитеррор комитетына 20 ел тулу билгеләп үтелә
Бүген, 10 мартта, Милли антитеррор комитетына 20 ел тулу билгеләп үтелә.
Милли антитеррор комитеты 2006 елның 10 мартында «Терроризмга каршы тору турында» Федераль закон һәм Россия Федерациясе Президентының «Терроризмга каршы тору чаралары турында» Указы көченә керү сәбәпле оештырылган.
МАК – терроризмга каршы тору эшчәнлеген оештыру һәм координацияләү максатыннан оештырылган коллегиаль орган.
Комитетның төп бурычлары: терроризмга каршы торуның гомумдәүләт системасы халәтен күзәтү, терроризмга каршы тору өлкәсендә дәүләт сәясәтен формалаштыру һәм норматив-хокукый көйләүне камилләштерү буенча Россия Федерациясе Президентына тәкъдимнәр әзерләү, терроризмга каршы тору эшчәнлеген оештыру һәм координацияләү, шулай ук күрсәтелгән эшчәнлекне мәгълүмати тәэмин итү.
Терроризмга каршы торуның гомумдәүләт системасының төбәк буыннары булып болар тора:
· Россия Федерациясе субъектларында һәм муниципаль берәмлекләрдә антитеррор комиссияләре;
· Россия Федерациясе субъектларында һәм диңгез районнарында (бассейннарында) оператив штаблар;
· муниципаль берәмлекләрдә һәм диңгез районнарында (бассейннарында) оператив төркемнәр.
Шулай итеп, МАКның турыдан-туры контроле астында Татарстан Республикасындагы антитеррор комиссиясе аппараты тарафыннан 2024–2028 елларга Россия Федерациясендә терроризм идеологиясенә каршы торуның Комплекслы планы чаралары уңышлы гамәлгә ашырыла.
2025 елда Татарстан Республикасы территориясендә үткәрелгән профилактик чараларда көндезге форматта 1 млн нан артык кеше катнашты, онлайн-катнашлык 2,5 млн нан артык карау тәшкил итте, республиканың профилактика субъектлары тарафыннан 1500 дән артык материал бастырылды, бөтен илдән 120 дән артык эксперт һәм лектор җәлеп ителде, шулай ук 60 тан артык медиаконтент булдырылды.