III Бөтенрегионара «Сәләтләр мириадасы» конкурсына гаризалар кабул итү дәвам итә
III Бөтенрегионара «Сәләтләр мириадасы» конкурсында катнашу өчен гаризалар кабул итү дәвам итә. Конкурсны оештыручылар – Татарстан халыклары Ассамблеясе һәм Дуслык йорты. Ул Татарстан Республикасы Мәдәният министрлыгы, Татарстан Республикасы Иҗтимагый палатасы һәм Казан башкарма комитетының Мәдәният идарәсе ярдәме белән үткәрелә.
Гаризалар бирүнең соңгы срок – 2026 елның 25 мартына кадәр (кертеп).
Конкурс турында төп мәгълүмат
Катнашучылар категориясе: иҗат коллективлары һәм солистлар.
Конкурсның максаты: сәләтле башкаручыларны ачыклау, аларның талантын һәм башкару осталыгын үстерү һәм булышлык итү.
Конкурс бурычлары:
· Балалар һәм яшүсмерләр иҗатын булышлык итү, тәҗрибә уртаклашу, һөнәри осталыкны күтәрү өчен шартлар тудыру.
· Үсеп килүче буынның иҗади потенциалын формалаштыру.
· Коллективлар, җитәкчеләр һәм педагоглар арасында тәҗрибә уртаклашу, алар арасында даими иҗади элемтәләрне булдыру һәм фестиваль хәрәкәте кысаларында берләштерү.
Конкурста катнашырга Татарстан Республикасы һәм РФ балалар бакчалары, балалар сәнгать мәктәпләре, балалар музыка мәктәпләре, ял үзәкләре, мәдәният йортлары, балалар һәм яшүсмерләр иҗат сарайлары, урта-махсус, югары уку йортлары, гомуми белем бирү мәктәпләре һәм башка учреждениеләр каршында эшләүче иҗат коллективлары һәм солистлар (һәвәскәрләр, һөнәриләр) чакырыла.
Конкурс номинацияләре:
· «Вокал башкару сәнгате»
· «Хореография»
· «Нәфис сүз»
Катнашучыларның яшь төркемнәре:
· 4–7 яшь
· 8–10 яшь
· 11–13 яшь
· 14–17 яшь
· Һөнәри: 18–25 яшь (бу номинациядә урта яки югары һөнәри белеме булган катнашучылар, шул исәптән укытучылар, коллектив җитәкчеләре чыгыш ясый).
· Һәвәскәр: 18–25 яшь (бу номинациядә бу юнәлештә урта яки югары һөнәри белеме булмаган катнашучылар чыгыш ясый).
· Һөнәри: 26 яшьтән өлкәнрәк, яшь чикләнми (урта яки югары һөнәри белеме булган катнашучылар, шул исәптән укытучылар, коллектив җитәкчеләре).
· Һәвәскәр: 26 яшьтән өлкәнрәк, яшь чикләнми (бу юнәлештә урта яки югары һөнәри белеме булмаган катнашучылар).
· Укытучы һәм укучы (укытучы һәм укучы бергә бәяләнә).
Конкурс җиңүчеләре I, II, III дәрәҗә Лауреат һәм I, II, III дәрәҗә Дипломант дипломнары белән бүләкләнә. Калганнарга Катнашучы дипломы тапшырыла.
Һәр номинациядә жюри карары буенча Гран-При һәм 10 000 сум күләмендә акча сертификаты тапшырыла.
Бүләкләүнең тантаналы церемониясе 29 мартта Татарстан халыклары Дуслык йортында узачак Гала-концерт кысаларында була.