2026 елда Казан халыкара «Алтын мөнбәр» кинофестивале программасын яңа номинацияләр белән киңәйтәчәк
2026 елның 4-8 сентябрендә Казанда XXII Казан халыкара «Алтын мөнбәр» кинофестивале узачак – ул гомумкешелек рухи-әхлакый кыйммәтләрен һәм мәдәни традицияләрен чагылдырган, милләтеннән һәм конфессиональ карашыннан аермалы буларак, тынычлык урнаштыру, дингә түземлелек һәм гуманизм идеяләрен күтәргән нәфис, документаль һәм анимацияле фильмнар конкурсы.
Быел, традицион номинацияләрдән тыш, кинофорум яңа конкурс юнәлешләрен тәкъдим итәчәк. Төп конкурс «Иң яхшы тавыш режиссурасы өчен» һәм «Фильмның иң яхшы музыкаль бизәлеше өчен» номинацияләре белән тулыланачак.
Исегезгә төшерәбез, конкурста катнашу өчен гаризаны 2026 елның 1 июненә кадәр info@kazan-mfmk.com электрон почтасына юллау яки фестивальнең http://kazan-mfmk.com/application рәсми сайтында махсус анкета тутыру кирәк.