Ленин турындагы хәтер – татар тарихы контекстында: яңа күргәзмә
В.И. Ленинның йорт-музеенда 21 гыйнвардан 8 февральгә кадәр «Ленин турындагы хәтер» күргәзмәсе узачак. Ул Совет дәүләтенә нигез салучы турында коллектив хәтернең формалашуына багышланган: аның вафаты көненнән – 1924 елның 21 гыйнварыннан алып «Үсешкән социализм» чорына кадәр.
В.И. Ленин йорт-музее фондларыннан һәм китапханәсеннән куелган экспонатлар Татарстан АССРның В.И. Ленин мирасы турындагы зур гомумдәүләт хикәятендә тоткан урыны турында күзаллау бирә. Бу мирас аның вафатыннан соң да яши.
В.И. Ленинны мәңгеләштерүнең гомуми идеясе төрле предметларны берләштерә. Экспозицияне 1924 елда нәшер ителгән, җәмгыятьнең лидер үлеменә беренче реакциясен чагылдырган басмалар ача: «Ленинга. 1924 елның 21 гыйнвары» һәм «Бөек кабер янында». Татарстан предприятиеләреннән кайгы веноклары, Сәхибгәрәй Сәетгалиев мәкаләсе һәм җирле җәмгыятьнең В.И. Ленин үлеме хәбәренә реакциясе турында хикәя белән бу басмаларның зурайтылган күчермә битләре 1924 елның гыйнварындагы кәефләрне яхшырак аңларга мөмкинлек бирәчәк.
Экспозициянең мәгънәви үзәге: традицион татар күн мазаикасы стилендә эшләнгән, Ленин портреты һәм аның яшәү еллары төшерелгән панно. Тема Ленин исемен мәңгеләштерүнең төрле ысулларында ачыла: җырларда, шигырьләрдә, сынлы сәнгатьтә. Күргәзмәдә рәссам М. З. Рәхимовның Казандагы В.И. Ленин йорт-музее һәм Ленин урыннары рәсемнәре мөһим урын алып тора. Алар йорт-музейның 1937 елдан бирле алып барган зур эшен күрсәтә.
Күргәзмәгә музейга билет буенча һәм Пушкин картасы белән кереп була.
Ленин йорт-музее – Ульянов-Ленин урамы, 58.