Яңа ел әкиятен Дуслык Йортында СВО-да катнашучыларның балаларына күрсәттеләр
Татарстан халыклары Дуслыгы Йортының концертлар залында Казан дәүләт мәдәният институты студентлары күрсәткән «Галәветдин һәм Яңа ел могҗизалары» хәйрия Яңа ел спектакле узды.
Чара махсус хәрби операциядә катнашучылар балалары, сәламәтлек мөмкинлекләре чикләнгән балалар һәм күп балалы гаиләләрдә тәрбияләнүчеләр өчен оештырылды.
Тамашаны шулай ук Казан шәһәренең күпмилләтле якшәмбе мәктәбендә тәрбияләнүчеләр, Ассамблея һәм Татарстан Халыклары дуслыгы йорты хезмәткәрләренең балалары карады.
Тамаша онытылмаслык сәяхәт булды, анда Шәрыкның серле дөньясы рус кышкы әкияте белән очрашты. Тылсымлы җен һәр баланың дуслык, батырлык һәм игелекле йөрәгенә ышану серләрен ачарга ярдәм иткән.
Тамаша тәмамлангач, балалар әти-әниләре белән бергә күпфункцияле залга юнәлделәр, анда аларны күңелле уеннар, яраткан геройлары, әлбәттә, Кыш Бабай һәм Кар Кызы белән очрашулар көтә иде.