Казанны ислам дөньясының мәдәни башкаласы буларак 2026 елның 14 маенда тәкъдим итәчәкләр
«Казан — ислам дөньясының мәдәни башкаласы» елын рәсми ачу тантанасы 2026 елның 14 маенда узачак. Бу хакта Татарстан башлыгы Рөстәм Миңнеханов хәбәр итте.
Бәйрәм чаралары «Россия — Ислам дөньясы: KazanForum» халыкара икътисадый форумы кысаларында узачак.
Ислам дөньясының булачак мәдәни башкаласының төп чаралары арасында-Коръән укучыларның халыкара конкурсы, төрле илләрдән килгән экспертлар катнашында телләрнең күптөрлелеген саклау форумы, Идел буе Болгар дәүләтендә Исламны рәсми кабул итү көненә багышланган Изге Болгар җыены тантанасы, ислам дисциплиналары һәм гарәп теле буенча халыкара олимпиада һәм башкалар.
Россия Тышкы эшләр министры Сергей Лавров Казанның 2026 елда ислам дөньясының мәдәни башкаласы сыйфатында сайлавын лаеклы дип атады, дип яза ТАСС.
Аның сүзләренчә, бу үзенчәлекле һәм Якты шәһәр, мәдәниятләр һәм диннәр кисешкән урын, анда гасырлар дәвамында төрле милләт һәм конфессия вәкилләре дус һәм тату яши.
2026 елда Ислам дөньясы башкаласы мактаулы статусы Казанга Ислам оешмасы илләре мәдәният министрларының мәгариф, фән һәм мәдәният мәсьәләләре буенча 2025 елның февралендә Җиддәдә (Согуд Гарәбстаны) узган XIII конференциясендә бирелгән иде.