«Театраль Идел буе» фестиваленең VI сезоны җиңүчеләрен 27 мартта игълан итәчәкләр
27 мартта Идел буе федераль округы төбәкләрендә «Театраль Идел буе» балалар һәм яшьләр театр коллективлары фестиваленең VI сезонында җиңүчеләрне игълан итү тантанасы узачак. Конкурс лауреатларының исемнәре Бөтендөнья театр көнендә Идел буе федераль округының барлык регионнарын тоташтырып онлайн-трансляция барышында игълан ителәчәк.
Чарада Татарстан Республикасы мәдәният министры урынбасары Дамир Натфуллин, фестивальнең төбәк этабында - “ЭОС” студентлар театры (Россия дәүләт православие университетының Казан филиалы), “Апуш” балалар татар театр студиясе, фестивальнең региональ эксперт жюриы вәкилләре катнаша.
Трансляция барышында «Театраль Идел буе» фестивале җиңүчеләре, «Иң яхшы режиссерлык эше», «иң яхшы муз» номинацияләрендә балалар һәм яшьләр спектакльләре арасында лауреатлар игълан ителәчәк.
Проектның финалына барлыгы 28 спектакль эләккән - Идел буе федераль округының 14 төбәгенең һәрберсеннән икешәр. Барлык төбәкләрдәге спектакльләрнең видеооверсияләрен фестивальнең рәсми сайтында "Финалистлар" вкладкасында карарга мөмкин.