Танылган театр режиссеры Марсель Сәлимҗановның 90 еллыгы уңаеннан Казанда мемориаль такта ачылачак

2024 елның 2 ноябре, шимбә

2024 елның 7 ноябрендә күренекле театр режиссеры, СССРның халык артисты Марсель Хәким улы Сәлимҗановның тууына 90 ел тулуы билгеләп үтелә. Бу көнне 13:00 сәгатьтә Казан шәһәре, Чехов урамы, 53 нче йорт фасадында М.Х.Сәлимҗановка мемориаль такта ачу тантанасы булачак. Мемориаль такта авторы - скульптор, "Россия рәссамнар берлеге" бөтенроссия иҗтимагый оешмасының төбәк бүлеге әгъзасы Тимофей Тюрин.

Тантаналы чарада Татарстан Республикасы Хөкүмәте вәкилләре, танылган театр әһелләре, халык язучылары һәм шагыйрьләре, М.Х.Сәлимҗановның туганнары катнаша.