«Татар сүзе» телеконкурсы заявкалар кабул итә башлады - премия фонды 2 миллион
Елның төп халык вакыйгасы якынлаша - "ТАТАР СҮЗЕ" нәфис сүз Бишенче Халыкара телевизион конкурсы. Конкурсның искиткеч юбилей сезоны тагын да зуррак премия фонды белән сөендерә - 2 000 000 сум.
Конкурс Татарстан Республикасында яшәүче халыклар вәкилләренең Татар телен һәм туган телләрен саклау, үстерү мәсьәләләре буенча Татарстан Республикасы Раисе каршындагы Комиссия ярдәмендә «Татарстан - Яңа Гасыр» телерадиокомпаниясе тарафыннан гамәлгә ашырыла.
Конкурсның максаты - туган телне, әдәби мирасны пропагандалау, үстерү һәм саклау, классиклар әсәрләрен популярлаштыру, милли әдәбият һәм мәдәнияткә кызыксыну уяту.
Конкурсның премия фонды - 2 миллион сум. Катнашу өчен татар яки туган чуваш, мари, мордва, удмурт телләрендә эшләр кабул ителә. Катнашучыларның яше чикләнмәгән. Гаризалар 30.11.2024 кә кадәр кабул ителә.