«Хәзерге заман шартларында мәдәният-күңел ачу учреждениеләре эшчәнлеге» дигән темага республика зона семинары узды

11 октябрьдә Мамадыш муниципаль район Мәдәният йортында «Хәзерге заман шартларында мәдәният-күңел ачу учреждениеләре эшчәнлеге» дигән темага республика зона семинары узды.

Семинарда Чаллы, Әгерҗе, Алабуга,  Менделеевск, Түбән Кама, Тукай һәм Мамадыш муниципаль районнары мәдәният-күңел ачу учреждениеләреннән  158 хезмәткәр катнашты.  

Татарстан Республикасы Мәдәният министрлыгының Республика традицион мәдәниятне үстерү үзәге бүлеге мөдире Р.Р. Дедюлева «Замана шартларында мәдәни-күңел ачу учреждениеләре эшчәнлеге» дигән темага нотык сөйләде.  

Семинар кысаларында  «Мәдәни-күңел ачу учреждениеләре эшчәнлеге эш кәгазьләрен рәсмиләштерү һәм аларның эшчәнлеген планлаштыру», «Авылның максатчан аудиториясен күздә тотып клуб оешмалары эшчәнлеген кору» практикумнары уздырылды.

Семинарда катнашучыларны Мамадыш муниципаль районы мәдәни-күңел ачу  учреждениеләренең 14 клуб оешмасы эшчәнлеге белән таныштырдылар.

Мәдәният йорты фойесында клуб оешмаларында катнашучылар тарафыннан эшләнгән декоратив-гамәли сәнгать әсәрләре күргәзмәсе оештырылган иде.  

Татарстан Республикасы Мәдәният министрлыгының Матбугат хезмәте