Казан Кремлендә «Әби әкиятләре» урам театральләштерелгән тамашасы узачак

2024 елның 5 июле, җомга

6 июльдә Казан Кремлендә «Җиңел канат» (Әлмәт шәһәре) урам театры актерлары «Әби әкиятләре» спектакле белән чыгыш ясаячак. Иҗади куелыш татар авылы атмосферасына, аның әкияти дөньясы кереп чумарга чакыра.

Сюжет буенча, әбисенә Малай исемле оныгы килә. Әби малайга милли риваятьләр сөйли, һәм кинәт аларның персонажлары җанлана һәм реаль тормышка керә.

Халык алдында Убырлы Карчык, Шүрәле, Зөһрә, Су Анасы, Алтынчач һәм Каракүз булачак. Авыл янәшәсендәге әкияти Сихри Урман куркыныч астында: Аждаха урманга ут яудырырга һәм аны яндырырга тели. Бары тик чын могҗиза һәм чын яхшылык кына төп герой Малайга явызлыкны җиңәргә ярдәм итәчәк.

Спектакль 20:00 башлана. Дәвамы: 45 минут.

Керү ирекле.