Казанда Афзал Насретдин улы Хәйретдиновның тууына 100 ел тулуга багышланган концерт узачак

20 февральдә 18:30 да С.Сәйдәшев исемендәге ДБКЗда Татарстанның күренекле виолончелисты, профессор, сәнгать фәннәре кандидаты, Россиянең һәм Татарстан Республикасының атказанган сәнгать эшлеклесе Афзал Насретдин улы Хәйретдиновның тууына 100 ел тулуга багышланган концерт була.

Афзал Насретдин улы - Казан консерваториясенең легендасы: аның Бөек Ватан сугышын узган беренче чыгарылыш укучысы, орденнар һәм медальләр кавалеры, П.И. Чайковский исемендәге Мәскәү дәүләт консерваториясе аспирантурасын тәмамлаган Козолупов С.М., Казан консерваториясенең кыллы инструментлар кафедрасы мөдире 43 ел дәвамында.

Сәхнәгә музыкаль бүләк белән аның укучылары - ТР халык артистлары Лариса Маслова, Люция Исмәгыйлева, УРның халык артисткасы Марина Сухих, ТРның атказанган артисткасы Ирина Лаптева, Зөлфия Әсәдуллина чыгачак.

Кызы А.Н.Хәйретдинов, пианист Халидә Хәйретдинова башкаруында Бетховен һәм Җиһанов әсәрләре яңгыраячак.

Юбилей концертында Татарстанның танылган музыкантлары катнашачак:

виолончелистлар - ТРның атказанган артистлары Андрей Каминский, Адель Закиров, Анна Антонова, Илья Востриков, Наталья Садртдинова; контрабасист Василий Шипов.

скрипачлар - ТРның атказанган артисты Җәмил Шәрифуллин, Алия Уразалиева, Азат Нургаянов;

альтчылар - Айдар Баһаветдинов, Андрей Сушков, Антон Жук, Диана Туктарова;

Ансамбльдә алар белән пианистлар уйнаячак - ТР атказанган сәнгать эшлеклесе Динара Галиева, Елена Бурундуковская, Ольга Степанова, Анна Мелешко.

Тыңлаучыларны И.С.Бах, Л.Бетховен, Р.Шуман, А.Дворжак, М.де Фальи, Д.Шостакович, Р.Яхин һәм башкаларның инструменталь музыкасы белән очрашу, шулай ук видеорәт белән үрелеп хезмәттәшләренең, укучыларның истәлекләре көтә. Программаны Светлана Государева тәкъдим итә.

Концерт Казан дәүләт консерваториясенең 80 еллыгына “Созвездие Җиһанова” проекты кысаларында узачак. Проектның сәнгать җитәкчесе - Казан консерваториясе ректоры, профессор В.Р.Дулат-Алеев.