Түбән Камада «Безнең заман» зональ этабы 400дән артык катнашучыны берләштерәчәк
7 һәм 8 октябрьдә Түбән Каманың Халык иҗаты йортында эшче яшьләрнең «Безнең заман - Наше время» X ачык республика телевизион иҗат фестиваленең икенче зональ этабы узачак.
Ул 400дән артык катнашучыны туплый, шул исәптән «КАМАЗ», «Аммоний», «Түбән Кама нефтехим» һәм республиканың башка предприятиеләре һәм оешмалары хезмәткәрләрен берләштерәчәк.
Иртәгә 7 октябрь көнне 10.00 сәгатьтә Түбән Кама халык иҗаты йортында эшче яшьләрнең «Безнең заман - Наше время» ачык республика телевизион иҗат фестиваленең юбилей X ачык республика телевизион этабының икенче зональ этабы ачыла.
Зональ этапны Түбән Кама шәһәре мэры һәм Түбән Кама муниципаль районы башлыгы Рамил Муллин ача.
Йомгаклау этабы Казанда 14-15 октябрьгә билгеләнгән (Идел буе дәүләт физик культура, спорт һәм туризм университеты).
Ә суперфинал 4-5 ноябрьгә планлаштырылган (Казан).
Юбилей сезонының төп вакыйгасы - быелгы фестивальнең гала-концерты - 7 ноябрьдә "Пирамида" мәдәни-күңел ачу комплексында узачак.