Казанда Девятаевка багышланган күргәзмә ачыла
16 августта Бөек Ватан сугышы музей-мемориалы Михаил Девятаевка багышланган "Тормыш батырлыктан гыйбарәт" күргәзмәсен тәкъдир итә. Яңа күргәзмә легендар батыр очучы-фронтовикка Советлар Союзы Герое исеме бирелүгә 65 ел тулуга багышланган.
«Экспонатлар арасында Михаил Девятаевның шәхси әйберләре тәкъдим ителә: Казан аэроклубында сугышка кадәр кигән очучы киеме; капитан кителе - 1957 елдан Девятаев Казанның елга флоты капитаны булып хезмәт итә, иң беренче ватан суднолары - «Ракета» һәм «Метеор» экипажларын җитәкли.
Герой очкан самолёт макетлары тәкъдим ителгән; шул исәптән "Аэрокобра" (АКШ) - Львовта 1944 нче елда һава сугышында Девятаевны бәреп төшергән самолет; аңсыз хәлдә очучы әсирлеккә эләгә.
Күргәзмәдә "Хейнкель" макетын күрергә мөмкин. "Хейнкель" самолетында 1945 елның 8 февралендә 10 совет хәрби әсирләре Узедом утравыннан кача, серле утрауда немецлар яңа ракеталар булдыра.
"Бу яшерен объектка эләккән тоткыннарның берсе дә исән калмый, - ди Александр Александров. - Бу батырлык - фантастика! Девятаев "Хейнкель" самолетының үзенчәлеген белми, билгесез машина штурвалы артына беренче тапкыр утыра. Һәм аны үзебезнең хәрби базага алып барып җиткерә».
Девятаев совет командованиесенә Узедом утравындагы яшерен объекты турында мәгълүматларны һәм "Фау" ракета җайланмаларының төгәл координаталарын җиткерә. Бу утрауга һава һөҗүменең уңышын тәэмин итә, җиңү яулана. "Хейнкель" очкычында СССРда булмаган яшерен җиһазлар була.
Күргәзмәнең инициаторы - Михаил Девятаев Фонды. Фондның җитәкчесе - каһарман очучының улы Александр Девятаев. Партнёрлар - Кызыклы фән һәм техника йорты (Казан), Казан елга техникумы һәм Россия тарихи-хәрби җәмгыяте.
"Без күргәзмәдә мәктәп укучылары һәм студентлар белән Михаил Петровичның улы Александр Девятаев белән очрашулар үткәрәчәкбез, - диде музей җитәкчесе. Шулай ук "Девятаев" фильмын карарга һәм фикер алышырга планлаштырабыз. Александр Михайлович бу лентаны ничек төшерүләре, барысы да чынбарлыкка туры киләме юкмы, тарихи вакыйгалар турында сөйләр.
Күргәзмә 14 сәгатьтә ачыла. Күргәзмә 13 ноябрьгә кадәр музейга керү билетлары буенча тормышка ашырыла, аны Пушкин картасы буенча да карарга мөмкин.