А.Н. Мәҗитов музеенда XVII Бөтендөнья җәйге Универсиадасына багышланган «Старт» күргәзмәсе ачылды
БДБ Рәссамнар берлегенең Казан бүлекчәсе, Татарстан Республикасы Фотографлар берлеге вәкилләре XVII Бөтендөнья җәйге Универсиадасына багышланган «Старт» күргәзмәсен тәкъдим итә.
Күргәзмәдә күренекле осталар белән беррәттән, яшь авторлар эшләре дә куелган. Аларда спорт дөньясыннан, спортчылар тормышыннан сокландыргыч күренешләр, Казанның Универсиада өчен төзелгән спорт корылмалары чагылыш таба. Тамашачылар рәссамнар Лада Аюдаг, Әсгать Макраев, Ирина Краснова-Волгина, Фәридә Галиева, Татьяна Тэнч, Наталья Марьина, Ирина Бадюгина; фотографлар Георгий Фролов, Илья Чирков, Тимур Абдуллин һәм башкаларның эшләре белән таныша ала.
Күргәзмә июль ахырына кадәр эшли.
Мәгълүмат: 264-35-22, 8-9503174489.
Татарстан Республикасы Мәдәният министрлыгының Матбугат хезмәте