Татарстан Республикасы мәдәният министры Ирада Әюпованың Славян язуы һәм мәдәнияте көне белән котлавы
Бүген, 24 май, бик мөһим һәм истәлекле көн – Славян язуы һәм мәдәнияте көне. Бу бәйрәм славян әлифбасына нигез салучы бөек мәгърифәтчеләр һәм изге Кирилл һәм Мефодийны искә алу көненә багышланган.
Бердәм язма булдыру бөтен славян дөньясы өчен зур әһәмияткә ия. Нәкъ менә аны оештырганнан соң славяннар үзләрен бердәм мәдәни җәмгыять итеп тоя башладылар. Кириллица бөтен славян дөньясының бердәм тарихи хәтерен һәм мәдәни байлыгын саклап калу ысулы булды.
Бүген славян дөньясы - ул 300 миллионнан артык кеше, бөтен дөнья буенча яшәүче һәм барысын да Славян язуы һәм мәдәнияте көне берләштерә. Бу көн язма сүзнең кыйммәте һәм халкыбызның рухи мирасы турында искә төшерүгә юнәлдерелгән.
Һәрвакыт һәм барлык халыкларның да нәкъ менә язма сүзе киләчәк буыннарга югары әхлаклы идеалларны, гомумкешелек кыйммәтләрен тапшырырга һәм Меңъеллык җыйган зирәклекне аңларга мөмкинлек бирде.
Славян язуы һәм мәдәнияте көне уңаеннан иң ихлас котлауларны кабул итегез! Бу истәлекле көн рухиятнең чишмә башы, славян мәдәниятенең борынгы һәм бөек традицияләрен торгызуда язма роле, безнең халыкларның уртак башлангычы турында искә төшереп торсын иде.
Татарстан Республикасы мәдәният министры И.Х. Әюпова