ТР Мәдәният министрлыгы 2021 елга халык алдында куелган максатлар буенча хисап бирәчәк
28 февраль 16.30 сәгатьтә Татарстан Республикасы мәдәният министрлыгының халык алдында куелган максатлары буенча Иҗтимагый совет утырышы була. Утырышта 2021 елга нәтиҗәләр ясалачак.
Иҗтимагый совет утырышында барлык теләүчеләр, шул исәптән массакүләм мәгълүмат чаралары вәкилләре һәм алдан теркәлү узган гражданнар катнаша алачак.
Теркәлү өчен анкетаны Elena.Chemerisova@tatar.ru электрон адресына "2021 ел нәтиҗәләре" тамгасы белән җибәрергә кирәк. Анкеталарны кабул итү 28.02.2022 сәг.10:00 тәмамлана.
Исегезгә төшерәбез, республикада Татарстан Республикасы дәүләт хакимияте башкарма органнары максатларын һәм бурычларын гавами булдыру һәм аларның үтәлешен тикшерүче җәмәгать контроле буенча проект гамәлгә ашырыла. Әлеге проект кысаларында Татарстан халкы экспертлар белән бергә ТР Мәдәният министрлыгы өчен ел саен бурычлар формалаштыра. ТР Дәүләт хезмәтләре порталында бурычларны сайлау буенча онлайн-сораштыру уза.