“Чулпан” Мәдәни үзәгендә “Җәлил укулары” IV Халыкара әдәби конкурсының Гала-концерты узды

2022 елның 18 феврале, җомга

Кичә “Чулпан” Мәдәни үзәгендә “Җәлил укулары” IV Халыкара әдәби конкурсының Гала-концерты узды.

Конкурс 2021 елның 15 октябрендә башланды һәм республиканың барлык районнарын, Россиянең 38 төбәген һәм 7 илне колачлады.

Барлыгы 42 меңнән артык гариза каралды.

Бәйге ел саен герой-шагыйрь Муса Җәлил истәлеген саклап калу, шулай ук нәфис сүзгә кызыксыну уяту максатында үткәрелә.

Катнашучылар өчен яшь чикләүләре юк.

Быелгы номинацияләр исемлегенә үзгәрешләр кертелде. Элек 7 номинация булса, хәзер аларның саны - 11.

Конкурс нәтиҗәләре белән сылтамага кереп танышырга мөмкин.